Basler Fasnacht 2012

Bilder und Zeedel
rund ums Thema Basler Medien

faks

In den Zeitungen aufgespiesst

Basler Zeitung, 1,3,2012

Diese Zeitung hat im vergangenen Jahr wieder bewegt, erregt und vielen lag sie auf dem Magen.

Zum Beispiel den Luuszäpfe:

Am Morge muess ich zerscht uff’s Hyysli,
und deert muess ich pfunde.
Die Druggerey, die macht do Sinn,
das bruucht e Darm – e gsunde.
Was uuse kunnt, isch Schyysdrägg,
und im Darm hets wider Blatz:
Nur bi dr ainte Druggerey
do haisst s Ergäbnis BaZ.

Zu viel Druck wird da gemacht, stellen d Hoseglunggi fest.

Tettablocher Blochermanti
Sin das aigendlig Verwanti
Wär hett nooni botte
wämm gheert jetz die BaZ
Ob Moritz Sutter Lytenegger
Alli geen is uff e Wegger
Ischs e lingge oder ischs e rächte Satz
Das Theater wo die mache
Finde mir die sin nit bache
Dasch doch alles yyberdryybe
Fir dä Saich wo die dien schryybe

Die Aabrennte machen die BaZ-Berichterstattung zum Thema.

Zums Befinde usefinde het jetzt d BaZ en Umfrog gmacht:
«Hänn si Angscht? Am Claraplatz? Im Tram? Bi Tag? Oder bi Nacht?»
S Ergäbniss isch für d BaZ prekär, well d Helfti antwortet mit Pfiff:
«Ich ha Angscht, dass y dr Markus Somm im Dunkle triff.»

Dr Spitzbueb macht sich Sorgen um die Leserzahlen:

Dr Somm schiggt ständig e baar hai,
glyy isch er bi dr BAZ ellai,
noo schrybt er d Zytig sälber voll,
und baidi Lääser finde s toll!

Zur BaZ fällt auch den Nachtschwärmern etwas ein.

Mir glaubs jo nid, es isch verruggt
D BaZ het glaub e Värs vo uns druggt
Im Prinzip wär das jo scheen und guet
Nur schaad, dass es kaine me lääse duet

Wir hoffen es nicht! Wenig Freude an der neuen Sonntags-BaZ scheint d Bildsteerig zu haben:

I gang am Sunntig jetzt amme go wandere,
vo Schönebuech bis Kandere
Nai sii, i bii kai sportligg Wääse,
i will numme die Sunntigs BAZ nit lääse.

Und d Dromböösli:

Mir finde d BaZ am Sunndig toll und dien si warm empfähle
Kai Angscht, sy mien sich wääge uns nit duur d Artiggel gwääle.
Am Sunntig noch em Zmöörgele dien miir si fiirehoole,
schitze so dr Kuchidisch bym Kopfladäärnli moole.

Dr Schwoobekäfer beisst sich an der BaZ-Klatschtante fest:

Es ka jo z Basel wirglig kaim die Blocherzytig gfalle,
Denn d Wuche dure kotzt dr Chefredaggter Gift und Galle
Doch d Hauptsach isch, dass alles uf em gwohnte Niveau blybt,
Wenn jede Sunntig in däm Blatt d Tamara Wernli schrybt.

Die vielen Besitzerwechsel sind ein Thema beim Bangg-Ghaimnis.

S gitt noo-ne zwaiti Zytiig doo, jetz miend-ihr loose:
Die wäggslet d Bsitzer, wie mir vier doo d Unterhoose.
Tettamanti, Suter, Blocher, alles Bekannti.
Und jetz isch är wieder doo, der Tettamanti.
Mir frooge-n-uns jetz ärnschthaft, ob das wirgglig au guet goht,
Jetz wo die no-ne Striggede hänn im BaZ-Verwaltigsroot

Und auch bei der Striggede, seit 33 Jahren an der Fasnacht aktiv:

Wenn d Kinder sehr guet folge, isch doch d Fraid bim Vatter gross!
Drum sait dr Blocher kirzlig am e Sunndig: «Dochter, loos!
Mach mir e Gfalle, hol mir schnäll e Zyttig won y mag!»
Kuum het ärs gsait, jä guete Dag, do bringts em grad dr ganz Verlag!

D Venezianer nehmen die «Tageswoche» ganz genau unter die Lupe:

D BaZ isch fyr d Katz, Ratzefatz,
dank em Blocher sym Rahel Schatz
Dr Markus Somm isch lätz am Platz,
kei Wunder bi däre Fratz
Abr au däglig e «Tageswuche»,
das sorgt schnäll mol biz fyr Wuet
will d Gschichte in dr Tageswuche
sin nur ei Dag pro Wuche guet!

Das Marionettentheater freut sich laut den Gsalzene derweil über einen Neuzugang.

Am Minschterblatz said im Theaater vo de Marionette
Dr Kaschperli zem Grethli: «Unsri Biini isch no z rette
S Ensemble wird vrgreesseret – das frait mi seer mi Schatz
Als neie Holzkopf schafft ab morn bi uns dr Moritz vo dr BaZ!»

Bajass & Omega machen sich grundsätzliche Gedanken zum Blocher-Imperium – und lernen dabei etwas.

D Miri hoggt scho lang in Basel – die duet do Läggerli bache
D Rahel kauft sich rasch e Zittig – die duet halt so Sache mache
S Mäggi diggdiert d Ems vo obe – die hoggt deert am griene Disch u
nd mir wüsse jetz genau was e Dochtergsellschaft isch

D Schuumschleeger zeigen weitere Möglichkeiten auf.

Anschyynend länge d Läggerli de Blochers nit,
si mischle hindeduure bi dr BaZ au mit
Wenn s so wyter goot, ir wärdet s alli gsee,
sitzt bald e Blochere im Fasnachtscomité

Der angehängte Zweizeiler:

«Und dr Sohn», droot men uns aa, «schafft bald bi euch als Fäärimaa.»

Blochers Einfluss ist laut den Haiggle weitreichend.

Dr Christian Wulff leggt sich mit de Medien aa
Är droht mit Krieg dä politisch Maa
Bi uns wääre die Lämbbe nie escaliert
Denn doo schrybt dr Somm, was dr Blocher diggtiert

Über Blochers SVP singen Bangg-Rott zur Melodie von «Dört ääne am Bärgli»:

Miir sin so gligglig und mir sin so froo –
Frisch gwäsche und glettet, so steen mir jetzt do.

Holeduli ...

Mir mien nur mache, dr Blocher dä dänggt
Doch denn ins Stöggli, hets im nit glängt!
Är ka guet liege, muesch Ems grad loo,
är ka das no besser wie dr Pinocchio

Holeduli ...

E Zyttig us Basel??? – Haig är nie gheert,
will die jo synere Dochter het gheert
Mit em Wältwuche Köppel und mit em Lei,
git är dr Hildbrand zem Abschuss frei

Holeduli ...

Vorhär do het är, ganz unschiniert,
dr Zuppiger Bruno au abserviert
Mir sin zwai Schwyzer und d Fraid die isch gross
D Eveline Widmer-Schlumpf wird är nit los!


*

Basellandschaftliche Zeitung, 01.03.2012

Als Alibi-Basler,
so hört me verzelle,
do haig dr Filippo
dr Bluemefritz welle,
merggt erscht,
wo’s fascht z’spoot isch,
ass dää jo scho tot isch
und drum griegt halt by dr Baz
dr Karli Schwyzer no-n-e Platz.

– SCHUNGGEBEGRÄBNIS 

weitere Zitate

«Dr Somm schiggt ständig e baar hai glyy isch er bi dr BAZ ellai noo schrybt er d Zytig sälber voll und baidi Läser finde s toll» – DR SPITZBUEB

(20 minuten, 28.02.2012)

*

D Wirbel-Waggis wiederum wären froh, wenn einige mehr den Hut nehmen würden:

«S gitt anderi, do wärme froh,
wenn si sofort wurde goo.
Jä, mer fände’s alli guet,
Nähmt dä Somm ändlig dr Huet…»

(-minu, Basler Zeitung, 28.02.2012)

*

Mehr als 80 Schnitzelbank-Gruppierungen präsentieren an der Basler Fasnacht
ihre Verse. Dieses Jahr stehen die Verstrickungen der Familie Blocher bei der «Basler Zeitung» im Fokus:

«D Rahel Blocher kauft d Basler Zytig, d Miriam s’Läggerli Huus.
Die Maiteli kaufe z’Basel yy, jä die kömme druus.
Nur dr Babbe schnuurt blöd in Bärn, fir d’Dechtere isch’s e Stroof.
Jä nu, in jeedere Familie gits e schwarzes Schoof.» (Voogelschyychi)

«Dr Sarkozy git zue, doo stuuni,
yych ha e Buschi mit dr Bruuni.
No maint dr Becker: My nei Kindli
het wie gwohnt e ganz bruuns Grindli.
Nur dr Blocher riefft, mit rootem Grind,
d BAZ, dasch isch denn nit my Kind.» (D Rambasse)

«In Bettwil dört wehre d’Mensche sich geege d’Asylante,
Es käme Diebe und Vergwaltiger mit all irne Verwandte.
In Basel kenne mir s’Problem - e subtili Variante,
s’Asylheim BAZ am Aescheplatz isch voll mit rächt
e Zircher Immigrante.» (Die Polyvalänte)

(sda, 28.02.2012)

*

«Dr Blocher het effentlig Stellig bezooge
Und zuegäh, är haigi au scho glooge.
Jä, do het äär bi däre Glägehait
Vermuetlig s erscht Mool
d Wohret gsait.» (Bildsteerig)

«Alzhaimer gheert in Formekrais
vo gaischtiger Demänz
Die meischte driffts
im Lääbesherbscht
heggscht sälte scho im Länz
Dr aige Namme isch ewägg,
au s Datum kunnt verkehrt
und aafoo duets,
wenn d nimme waisch,
ass diir e Zyttig gheert.» (D Schnaabelwetzer, Comité)

«Mir finde d BaZ am Sunndig toll
Und die si warm empfähle.
Kai Angscht, sii mien sich wäge uns
Nit duur d Artiggel gwääle.
Am Sunndig noch em Zmöörgele
dien mir sy fiire hoole,
schitze so dr Kuchidisch
bym Kopfladärnli moole.» (D drombösli)

«Do sait dr Schaggi
Zem Fritz under dr Brugg:
‚Dä Tettamandi
kauft BaZ wiider zrugg.’
No maint dr Fritz in ainere Rueh:
‚No degg mi mit ‹Tageswuche› zue.’» (Dr SuperbebBI)

(Basellandschaftliche Zeitung / MLZ, 28.02.2012)

Zeedel

Zeedel Fasnacht 2012 vo de „Schwiirige“

Was au immer dy tuet plooge-
Muesch nur dr Doggter Summer frooge

Titi T. (au scho uuralt)

Liebe Doggter Summ-er
I ha folgende Chummer.
Aigetlig finde mir baidi jo s gliiche,
Nyt fyr die Arme und alls fyr die Ryche.
D Wält isch do ass me sich bedient
Und näbebi au no gnueg verdient.

Settsch Schwechere ains ufe Deggel gee
Und die wos hänn, selle mee kenne nee.
Das schtoot scho i d r Bibel so,
Ass die wo hänn selle mee ibercho.

Vo däm här lieb i dy Geschryybe,
Vo mir us kasch als Redaggter bliibe.
I ha jetzt aber s gross Brobleem
Ass alli unsri Zytig verleen.

Sy wänn unser Blettli nyt emol nee
Wenn mirs iine gratis tien gee.

Doggter Summ.er:

Liebe Tito, i bi so froo,
Ass wenigschtens Du mi kasch verschtoo
Die Basler, die geen mir ufe Sagg
Alles Linggi und Nätti und anders Pagg.

Do hän si dr beschti Schurnalischt
Und bhaupte das syg alles Mischt.
Me kenn die Zytig nur no nutze
Zem afiire oder s Fidle butze.

Los Tito, i glaub mer kenne nyt mache,
Die Basler synn aifach nyt ganz bache.


D Vordrääbler vo de gääle Daggel

Uusverkaauff(t)

...
Schoofpelz syyge ginschtyg z kaufe.
Zwai seesch grad dert aane laufe:
Dr Blocher und dr Somm, die baide
Wänn sich jetzt esoo verglaide.
...


Rumpelstilzler-Clique
Alte Garde / Gründigs-Johr: 1969

Johres-Schnitzelbangg 2011/2012

DEZÄMBER 2011

Es hett mir letscht-i aine gseit – uff-em Fridhof haig är gseh,
Dass uff-em Grab vom Zyttigs-Anni – sich bewegt dr Schnee.
Dr Grund isch glaar, denn s Vreni hett - wo ihm e Ängel seit,
Dass d’Basler-Zyttig Blochers ghört – sich im Grab umdreit.
Zyttigs-Anni / Vreni Behrlinger: Beliebte Schnitzel-Bängglere
Gestorben am 3. Bummel-Sundig 2006


Breo Clique 1896
Stammverein

Adiee Mittelstand
...
Au d Zyitg am Aescheplatz,
y glaub si heisst aifach BaZ,
isch insolvänt und kunnt in Not
me suecht e Retter, fascht isch s z schpoot.
Dr Basler Suter, s isch e Hit,
für d Rettig Millione git.
Dr Blocher und dr Mörgeli
Hän pletzlig groosse Seergeli.
Me schiggt e Laufbueb unter d Brugg
Dr Tettamanti zaalt em s zrugg.
Füür uns isch dasm mer sinn nit dumm,
ameerikanisch Gängschtertum.
...


Flamingo Waggis

Zrugg zu de Wurzle
...
Dr Somm vo dr BaZ, dä schrybt energysch:
„Ich bin gegen das Stroh allergisch!
Und zudem wurde es den Kühen geraubt!
Und usserdäm: Dr Blocher het s nit erlaubt!“
Druffaabe haaglets Lääserbriefe
vo Lääser wo dert drin ussriefe:
„Mir hänns jo gwisst, wie das duet laufe,
wenn Schtrohmänner dien e Zyttyg kaufe!“
...


Wettstai-Clique
Stamm

Schnee vo gescht
Hitte gheert – morn vergässe
...
Bi dr BaZ isch sit gfyhlte hundert Joor
y waiss scho, das isch nid ganz woor
e Hammel alias -minu dra
doch bletzlig kunnt en andere Hampelmaa
und sutteret, Hello, y haiss Moritz,
an Blochers Statt uff e Verleeger-Sitz.
Es ibernimmt denn d Rahel in flagranti
Und git d BaZ zrugg an Tettamanti.
Was an dm Blatt sell me do no glaube
Usser as sy ys s Vertraue raube!
...


Zeedel Fasnacht 2012 vo de „Schwiirige“

Was au immer dy tuet plooge-
Muesch nur dr Doggter Summer frooge

Dieterli H, (frysch pensioniert)

Liebe Doggter Summ-er,
I ha folgende Chummer:

By dr Kaschira Hildebrand
Do ischs mer als reed i ane Wand.
Zerscht hett si nyt welle wisse vo Bangge
Jetzt spült si numme no mit Euro und Frangge.

Vo mir will si laider nymme wisse
Nou facking, nou petting, nyt emol e bitz kisse.
Jetzt wo mer ändlig d Pension kennte gniesse
Und s wenig git wo mer no mache miesse.

Doggter Summ-er:

Liebs Dieterli,
Zue Rächt tuesch di plooge,
Hätsch halt friener weniger glooge.
De muesch di halt wie n ich e bitz dugge
Muesch die richtige Lyt ha im Rugge.

Denn kasch au doo und deert e bitz liege,
Ooni ass grad d Quitti tuesch kriege.
Du bisch halt a die Falsche groote
Mee kani i Dir doo laider nyt roote.

In den Zeitungen gefunden

Basler Zeitung, 27.02.2012

Angi und Sarko leuchten
Von der Rückkehr der Affen bis zur Weltuntergangsstimmung …
Von -minu
...
Winzig, aber megafrech dann die kleine Lampe der Alten Schnooggekerzli. Nachdem sie im letzten Jahr die Affen bei der Novartis besucht haben, verkünden d Schnoogge jetzt: le retour des singes am Aeschenplatz.

Unter dem Extrablatt der BaZ glotzt ein grimmiger Gorilla mit stahlblauen Augen. Er kaut an einer bluttriefenden Füllfeder – dazu stöhnt die Clique:

E rächte AFFront isch die BaZ, dr Blocher herrscht am Aescheplatz

Die Rückseite der Medaille: Chefredaktor Markus Somm trägt wie King Kong einst Jane den strampelhampelnden Suter im Arm:

Dr Suter sygy schynts inteeger Und doch e Niete ass Verleeger

*

TagesWoche beta, 27.02.2012

Basler Schnitzelbänke kommentieren Verkauf der Lokalzeitung

...
Jetzt kauft dä Blocher doch die Zytig
Fir knapp zwei Daag, denn ischs verby
Als ob das noonig gnueg wär kunnt denn
Dä Tettamanti hindedry,
Druffabe hän mir sone BAZ kaufft
Und als grad ghofft, es sig dr Hit
I muess däm Blocher völlig rächt gää
Mee als zwei Daag verdraisch das nit.
(Mc Väärs)

*
D Rahel Blocher kauft d Basler Zytig, d Miriam s'Läggerli Huus
Die Maiteli kaufe z'Basel yy, jä die kömme druus,
Nur dr Babbe schnuurt blöd in Bärn, fir d'Dechtere isch's e Stroof
Jä nu in jeedere Familie gits e schwarzes Schoof
(Voogelschyychi)

*
Dr Sarkozy git zue, doo stuuni
yych ha e Buschi mit dr Bruuni
No maint dr Becker: My nei Kindli
het wie gwohnt e ganz bruuns Grindli
Nur dr Blocher riefft, mit rootem Grind
d BAZ, dasch isch denn nit my Kind
(D Rambasse)
...